Krasnojarskys nūvoda regionaluo sabīdriskuo organizaceja «Latgalīšu kulturys centrs»
„Latgalīšu ceļojūšuo biblioteka“ dybynuota Ačynska Pedagogiskajā koledžā 2006. godā pyrmuos Latgalīšu volūdys i kulturys zīmys školys laikā. Jamā ir gruomotys latgalīšu, latvīšu i krīvu volūdā, informativi izdavumi par Latveju i Latgolu, muzykys i dzīšmu skaņu īroksti kasetēs, taipat kompaktdiskūs, kurūs savede Latvejis Universitatis i Sanktpīterburgys Vaļsts universitatis kūpeigūs ekspediceju daleibnīki, suocūt ar 2004. godu. 2006. goda beiguos biblioteka pasapyldynuoja ar latvīšu gruomotom, kuruos nūdeve Krasnojarskys Latvīšu nacionaluo kulturys bīdreiba „Dzintars“.
Vuords „ceļojūšuo“ bibliotekys nūsaukumā pastreipoj īspieju sajimt gruomotys skaiteišonai sātā i cytu Krasnojarskys nūvoda rajonu dzeivuotuojim — latgalīšim voi cylvākim, kurī iņteresejās par jūs kulturu.
Ar katalogu i eisim gruomotu aprokstim (anotacejom) var īsapazeit bibliotekā i ite: katalog.doc.
Bibliotekys lītuošonys nūsacejumi:
1. Biblioteka atsarūn Ačynska Pedagogiskuos koledžys bibliotekys telpuos Lenina ūļneicā 10, 3. stuovā; tel. nr. (251)51283 (praseit savīnuot ar biblioteku).
2. Bibliotekys dorba laiks:
pyrmūdīne — pīktdīne nu 8:00 da 19:00
sastdīne nu 8:00 da 13:00
svātdīne i pādejuo mieneša pīktdīne — breivuos dīnys.3. Kab pīsaraksteit bibliotekā, vajag paruodeit pasi i aizpiļdeit laseituoja karteiti.
4. Gruomotys teik dūtys iz laika 30 dīnu garumā, gadīnī, kod gruomota nav pīpraseita, laiku var pagarynuot pa telefonu.
5. Navajadzātu jimt iz sātu (muojom) vairuok par 5 gruomotom reizē.
6. Par laikā nanūdūtu gruomotu voi juos pagaisynuošonu juomoksoj sūds.